GOSPA TVOJA

Pod ponistrom sidiš
i čekaš da ona
koltrinu razmakne i otvori škure,
da ti tio šapne
da partiti niće,
da će zavik ostat dio tvoje sriće.

Pari se da ćuti
pismu srca tvoga,
svaki udar vers je,što si za nju pisa,
svaka žeja tvoja
da pojubiš just joj
dok si šempja za njom
u mladosti bija.

Potoča se u te
još godina davni,
piturala nebo u ijadu boja,
arija ti bila što je levant nosi,
bila ti je juba za života cila.

Ka cingul na kadeni
ateta se za te
i ne prati skvere,
već se s tobom tuja
 na meku lancunu ćakula ti jubav
svitlost tvog života
ova gospa mila.

                                              Kruševac,22.07.2016.